烏蛟騰抗日英烈紀念碑 紀念烏蛟騰犧牲烈士

尋日就同史友們講到斬竹灣抗日英烈紀念碑被列入第三批合共80個國家級抗戰紀念設施、遺址名錄，而其實喺2015年香港就已經有另一座抗日英烈紀念碑被列入呢個名錄當中，阿史所講嘅正係烏蛟騰抗日英烈紀念碑。

呢座紀念碑並唔係無緣無故設立喺呢度，事源係日軍侵佔咗香港之後，當時廣東人民抗日游擊隊東江縱隊就派出唔少武工隊成員嚟香港組成港九獨立大隊，繼續抗日工作，烏蛟騰就係佢哋當時嘅一個重要據點。

而喺1942年嘅秋天，日軍得知呢個消息就直頭派兵入到烏蛟騰村，並且要求口民交出遊擊隊成員嘅資料。當時嘅村民拒絕就範，特別係村長李國藩同埋幾位村民堅決反抗，結果就被日軍折磨至死。呢件事唔少村民都仲記得，於是喺日本投降之後，佢哋就喺烏蛟騰一處山坡豎立紀念碑，緬懷犧牲烈士。