早幾日阿史就睇到一單幾有趣嘅新聞，就係喺比利時嘅一座紀念噴泉度，就搵到200前一位市長嘅心臟，亦都印證咗流傳多年嘅都市傳說。

喺比利時東部一座叫做佛維爾嘅城市，其實多年嚟都流傳住一個傳說，就係市中心嘅一座噴泉入面據講係埋葬咗呢個市第一任市長嘅心臟。而咁啱呢座噴泉近日就進行施工，點知工人喺挖掘期間就發現一個生晒鏽嘅鐵盒，上面就有一段文字，寫明係「1883年6月25日，皮埃爾．大衛的心臟被莊嚴地擺放在此紀念碑」。

呢件事喺當地引嚟廣泛討論，當局嘅公共工程部門就表示，呢個鐵盒保存得好完整，並且日後會喺美術館展出。咁點解市長嘅心臟會放喺呢個地方呢？原來呢位喺1800年至1808年擔任市長嘅皮埃爾．大衛喺當地德高望重，喺1830年比利時革命之後佢都係繼續做市長，市內嘅第一間中學同埋消防隊都係由佢設立。

1839年，呢位市長逝世，當地政府同就提議，不如將呢位市長嘅心臟拎出嚟，建立一個紀念噴念安放，而呢件事經歷十幾年嘅籌款同準備，終於喺1883年成真，紀念噴泉終於落成。

原圖嚟自網絡