有揸開車去青衣嘅史友可能都會經過青衣南橋，呢條南橋其實係由兩條橋所組成，分別係青衣橋同埋葵青橋，唔知大家又有冇留意到喺青衣橋嘅旁邊，其實都有一座橋，到底點解會喺青衣橋旁邊又起一座橋呢？呢道就真係講開有段故喇！

青衣橋同埋葵青橋並唔係同時間落成，講次序先後就係青衣橋率先落成並且啟用，但點知後來青衣大橋嘅車流量大增，長期塞車，並且青衣橋亦都想搵機會進行一次大型維修，於是路政署就決定與建一條青衣複製橋，就即係葵青橋喇！

葵青橋喺1999年7月26日建成，全長640米，當年青衣橋封閉之後唔少想去九號碼頭嘅車都需要經呢條橋。唔講唔知，雖然係叫做複製橋，但當時葵青橋係用到一種好特別嘅技術建成，即係「外預應力系統」。呢種技術會令到維持橋身嘅鋼束直接設立響橋身嘅中空位置，而唔係混凝土入面，無論係維修定檢查都更加方便。

原圖嚟自網絡