回到改革開放前的深圳

今時今日深圳發展得非常好，創科企業呀獨角獸都响度駐紮。只係四十年時間，深圳已經發展成國際級城市，咁四十年前深圳又係點嘅呢？

阿史最近睇返一啲深圳嘅舊相，發現深圳响未成為經濟特區前，同普通一個小縣城無分別。其實深圳市本來唔係叫深圳，而係寶安縣，到咗1979年，國務院同意寶安縣改為深圳市，下設羅湖、南頭、松崗、龍華、龍崗、葵涌六個區。到咗1980年，深圳市成為咗經濟特區，並且通過一系列吸引外資嘅優惠政策，令輕工業發展起嚟。本來破破落落嘅縣城，就慢慢發展起嚟。

見到圖中嘅昔日深圳，今時今日睇返都覺得國家發展得真係好快。