尋日阿史介紹到回歸之前嘅港英政府管治嘅其中一個特點，就係有一段相當長嘅時間都係以高度集權為主，由英國人為主體壟斷立法、行政同埋司法三權。當中最可以體現到呢點嘅，當然就係喺立法會入面啦！

立法會嘅前身立法局，又曾經叫做定例局，係港英政府早年嘅一個立法機關，專門負責監察港英政府施政以上定期審閱由港督提交嘅施政報告。定例局係香港第一個立法機關，成員並唔係好似今日咁通過民選產生，早期反而係由政府三司出任當然議員，再加上港督親自委任嘅官守以及非官守議員，簡單而言即係由英國人話晒事。

睇翻早年嘅定例局成員名單，基本上都會留意到開埠初期就主要得政府官員喺入面，去到1850年代，唔少洋行大班好似怡和洋行大衛·渣甸同埋哲美森洋行老闆艾德格都可以加入到立法局。

隨後幾十年立法局都有增補議員嘅名額，但始終都係由港督委任，第一位嘅華人議員（伍才）要去到1884年先至出現，華人議員比例極低。可能有史友們問，呢種委任方式點解淨係去到1985年呢？原來喺1984年港英政府就忽然推出《代議政制綠皮書》，將立法局「民主化」，引入民選議席諮詢公眾。呢次突如其來嘅民主化，當年唔少人都真係嚇一跳，

原圖嚟自網絡