東西德簽署統一方案

1990年9月12日，對德國嚟講今日係一個好特別嘅日子，東西德外長，聯同美國、前蘇聯、英國、法國等國家喺莫斯科簽署關於德國戰後解決方案條約，同意東西德統一，確立德國統一嘅方面，呢一日極具歷史意義。

呢條條約又叫做「最終解決德國問題條約」，又有2+4條約嘅叫法，當中涉及到德意志聯邦共和國（西德）、德意志民主共和國（東德）占領國美國、蘇聯、英國、法國四國，所以就係2+4條約。

喺1945年8月2日嘅波茨坦協定簽訂之後，德國就由同盟國占領、管理，去到1949年就分成英、法三國所管理西德以及蘇占區成立嘅東德，東西德嘅對立成為冷戰標誌之一。隨著柏林圍牆倒塌，「德國問題」亦都開始明朗。呢份條約嘅內容有唔少，其中就係要美國、前蘇聯、英國、法國四國放棄喺德國原先擁有嘅特權，德國亦都會擁有全面主權、同時亦都會同意限制軍隊人數、承諾唔會擁有核武器化學武器；確立同波蘭嘅國際邊界等等。