早幾日就係911恐怖襲擊嘅十九周年，當年一架被騎劫嘅客機撞向美國紐約世貿中心北座大樓嘅果一幕，相信唔少史友們可能都歷歷在目。呢場恐怖襲擊最後令到接近三千人罹難，超過六千人受傷，亦都令到一場戰爭爆發，呢場就係2001年嘅阿富汗戰爭。

2001年阿富汗戰爭係以美國為首嘅聯軍發動，戰爭喺2001年10月7日展起，目標就係對阿蓋達組織同埋塔利班，發動呢場戰爭最初嘅一個目的就係逮捕拉登同埋其他阿蓋達組織成員，並且對塔利班作出懲罰，所以阿富汗戰爭又被視為係美國對九一一事件嘅報復行動。

當時喺戰爭未開始之前，美國政府曾經向塔利班政府發出最後通諜，要求佢咃交出阿蓋達組織高層成員、釋放所有被監禁嘅外國人同埋畀美軍檢查所有訓練營，但當時塔利班政府冇答應美國嘅要求，只係提出可以將拉登送到中立國接受起訴。結果當時美國總統喬治布殊拒絕呢啲回應，

喺2001年10月7日，美國同英國就組成聯軍入到阿富汗境內，並且同北方聯盟接觸，達成協議合作推翻塔利班政權，結果係阿富汗並唔係咁容易被攻落嚟，長年嘅阿富汗內戰就咁展開。去到2009年12月1日，新任美國總統奧巴馬就想終結戰爭，短期內就將美軍人數再增加三萬，最後喺2011年5月1日擊斃拉登，同年開始逐步從阿富汗戰場撤出。

原圖嚟自網絡