阿富汗政府同塔利班講和

早前睇報道話阿富汗政府同伊斯蘭武裝組織塔利班舉行和談，尋求結束阿富汗近二十年來嘅戰亂局面。打咗咁多年仗，阿富汗的確需要和平嘅日子。

塔利班呢個名，响廿幾年前就已經有出名。呢個組織係源自於1979年阿富汗十年內戰。1989年蘇軍撤離，但阿富汗內戰持續，塔利班呢個武裝組織就乘勢崛起。呢個組織係一個奉行伊斯蘭原教旨主義，組織以苛刻伊斯蘭教法同嚴刑峻罰作管理。响九十年代中期呢個組織成為阿富汗境內一個強大嘅勢力，控制咗阿富汗大部分地區。期間佢哋仲包庇恐怖組織阿爾蓋達，拉登都長期响阿富汗隱居。

响九一一襲擊發生後，塔利班拒絕交出拉登，美國連同多個國家決定出兵阿富汗，本來被塔利班控制嘅阿富汗就被美國支持的新阿富汗政府取代。不過，塔利班往後發動多次自殺式襲擊，令阿富汗局勢持續不穩。