講起股票相信大家都唔會覺得陌生,甚至史友們都有買開幾手玩下,之但係喺80年代嘅中國,股票就被視為係資本主義嘅產物,要推出呢樣產物並唔係咁容易,咁到底新中國嘅第一張股票又係點嚟呢?

喺1982年嘅時候,當時嘅深圳寶安縣建立冇耐,唔少基建設施都需要發展,樣樣都需要錢!當年縣政府同埋縣委就決定成立一間公司,希望可以將市民手上嘅閒置資金收集起嚟等縣政府發展。於是去到同年嘅11月,深圳寶安縣聯合投資公司就成立喇,呢間公司就由縣政府辦公室嘅副主任負責管理,據講當時仲搵嚟佢香港嘅親友幫手設計股票。

結果去到1983年7月8日,深圳寶安縣聯合投資公司就推出咗新中國第一張股票,並且喺1年時間就令到公司獲利17萬,有買到股票嘅市民都有得分紅。雖然呢張係叫做股票,但原理上由縣政府發行嘅算係試驗票,咁到底正式發行嘅股票又係邊張呢?下篇再同大家介紹!

原圖嚟自網絡