講到末位港督彭定康,相信好多人都仲記得當年內地官媒都話佢係「千古罪人」,而呢個講法係嚟自時任國務院港澳辦主任魯平,咁點解魯平會咁講呢?

話說彭定康响1992年10月7日做咗上任後第一份施政報告,公佈咗極具爭議嘅「政改方案」。响呢個方案當中,彭定康對香港1994年區域組織選舉,以及1995年立法局選舉方案進行重大改變,包括立法局地區直接選舉全數採用單議席單票制、增加咗九個功能組別,通稱為「新九組」,仲大幅擴充選民基礎,令功能組別選民大增。

不過,中央政府對彭定康嘅政改方案非常不滿,因為呢個方案違背咗中英聯合聲明,違反基本法,以及中英兩國外長達成嘅協議。魯平更斥責彭定康係「香港歷史上的『千古罪人』」。由於彭定康寸步不讓,最終中央政府宣佈放棄原來中英雙方協議最後一屆立法局議員可全數過渡成為特區第一屆立法會議員,即俗稱「直通車」嘅安排,立法局議員需要响1997年7月1日「落車」,並由臨時立法會維持立法機構嘅運作。

原圖嚟自網絡