响中國民間,一直流傳住幾本預言奇書,呢啲奇書內容對中國以至中華民族未來有好多預示,令唔少人對當中內容都大感興趣,其中最出名就應該係推背圖。

據記載推背圖係由唐代李淳風同袁天罡合著,李淳風同袁天罡係隋末唐初嘅術數家同天文學家。據《新唐書》所載,:「李淳風,岐州雍人。父播,仕隋高唐尉,棄官為道士,號黃冠子,以論撰自見。」至於袁天罡,《舊唐書》都有關於佢嘅記載:「袁天罡,益州成都人也。尤工相術。」因為二人精通天文易學,據講佢哋就係推測未來嘅能力。

至於《推背圖》又係乜嘢嚟呢?相傳《推背圖》係李淳風同袁天罡共同編寫。話說李淳風用周易八卦進行推算,點知一算就咁算係咁算,算到唐以後2000多年嘅未來。後嚟袁天昰推佢背脊話「天機不可再泄」,所以呢本預言奇書就叫《推背圖》喇!現今流傳嘅《推背圖》版本,內文就有六十象,每象都有附圖一張,後世人就按住圖中所示推算未來會發生乜嘢事。咁多年嚟唔少人都話《推背圖》好準,因為後世好多事包括武則天稱帝(第3像)、李自成推翻明朝(第32像),中日戰爭(第39像)等都有發生。之但係,有人就話其實《推背圖》係後世人假託古人之名,穿鑿附會,好多時都係事件發生後先加上去,,令人覺得神準。至於係咪咁準?阿史就真係唔多識睇喇!

唔知有無史友可以分享下心得呢?

原圖嚟自網絡