死傷慘重「石頭圍之戰」 戰死鄉勇供奉於八鄉古廟

講起新界六日戰，當中有三場主要嘅戰役，之前就同史友們介紹過大埔梅樹坑一役，今次就想同大家講下「石頭圍之戰」。

石頭圍就即係現時嘅元朗八鄉上村石頭圍喺1899年4月17日，當時英軍就兵分兩路，一批英軍就喺上村石頭圍附近駐紮，由於糧草不足需要另一支英軍經粉嶺一帶嘅村落向北邊進發救亡，途中就唔少鄉勇都被攻擊，轉到入去八鄉集中。當林村凹嘅鄉勇被擊敗之後，佢哋就嚟到石頭圍，點知就撞正英軍，隨即就隨住條河同英軍對陣。

接近300個持有火炮嘅英軍沿住條水道佈陣，而接近1,000個鄉勇就採取主動進攻，結果唔少鄉勇都被英軍槍炮所傷，死傷慘重。「石頭圍之戰」最後就以鄉勇落敗告終，英軍亦都隨即追趕淨低嘅鄉勇，去到4月19日，所有村民都投降，新界六日戰亦都告終。