中央政府拆「直通車」

呢排阿史就講開港英政府喺上世紀80、90年代急速嘅民主化政府，繼1985年嘅間接選舉，再去到1991年嘅立法局部分議席直接選舉，港英政府仲推出埋「新九組」，令到選民人數急劇上升。「新九組」就被中央政府認為係利用咗基本法嘅灰色地帶、係「三違反」、於是喺中方恢復對香港主權之後，就有一個決定。

阿史所講嘅呢個決定就係拆「直通車」喇！所謂嘅「直通車」就係指喺中方恢復對香港主權嘅過渡期，舊立法局議員嘅成員直接過渡去新嘅立法會議員，原來中英雙方係有咁樣嘅打算。但係點知，最後一任總督彭定康提出嘅政改方案激怒中方，魯平直頭大鬧佢係千古罪人。結果，原本嘅立法局議員就冇得直接成為特區政府之下嘅立法會議員，反而係要成立一個臨時立法會過渡，成個動作就係拆「直通車」。

直到1998年第一屆立法會組成，呢個現象先得以改變。