磯谷廉介响香港做到幾盡？

最近响網上出現咗關於香港日佔淪陷時期總督嘅磯谷廉介嘅討論，有本港學者就話磯谷廉介曾經「反對武力侵華」，又話當時外相東鄉茂德建議任命佢為「香港總督」，係知佢理念同作風「在香港不會『去到最盡』」。不過呢番言論就惹起咗唔少不滿，有歷史科出身嘅校長就話呢位學者係咪想將日本佔領香港洗白。

磯谷廉介係香港日佔淪陷時期嘅總督，咁佢係咪真係「無去到最盡」呢？好簡單數數當時呢個軍政府所作所為就會知道，包括：

响香港發行軍票，洗劫香港市民財產；實施糧食配給制度，三年零八個月香港糧食嚴重短缺，餓死者不計其數；日佔時期被囚戰俘同市民多遭受酷刑；驅趕巿民離港，更响香港製造一連串屠殺慘案。