早兩日就同大家介紹到新界六日戰當中最為慘烈嘅一場戰役「石頭圍之戰」，喺呢場激戰當中有唔少鄉勇都為村捐軀，事後就被安葬喺八鄉古廟旁邊嘅烈士祠。喺今日石頭圍，同樣都一樣好有紀念價值嘅建築，「擎天一柱回歸紀念碑」。

呢座紀念碑位於八鄉上村公園入面，係由八鄉鄉事委員會喺1997年自資興建，係為咗紀念中國對香港恢復行使主權，而喺回歸紀念碑之上，其實仲有當時新華社香港分社社長周南題字。咁呢座紀念碑仲有咩其他內容呢？

紀念碑上就有一段咁樣嘅文字：

「一九九七年七月一日，乃香港回歸祖國懷抱之歷史時刻，舉國上下，歡欣鼓舞；海外赤子，揚眉吐氣；五洲之內，友好仁人，無不關注此世紀盛事。近者悅，遠者來，盼一睹交接之盛典，視躬逢親歷以為榮。物換星移，從今而後，實現一國兩制，港人治港，安定繁榮，乃港人之福，亦國家之幸也。吾儕身為炎黃後裔，家國之情，鄉土之思，繫心有懷，故共倡義舉，群力集腋，塑建擎天一柱，用垂永紀」。紀念碑所在嘅位置亦都係當年抗英戰役發生嘅位置，大概意思都係想表達新界居民回歸國家嘅果份感情。

原圖嚟自網絡