國際聯盟=無牙老虎

尋日講咗聯合國一啲歷史，今次就要講下另一個國際組織「國際聯盟」，咁呢個組織有乜咁特別呢？就係因為呢個組織係聯合國前身，無佢就無聯合國。

國際聯盟係响第一次世界大戰後至第二次世界大戰結束無耐時期存在，可以話係第一個國際性政治組織。國聯成立於1920年1月10日，响第一次世界大戰結束後，各國主張成立一個國與國之間嘅跨政府組織，通過各國响組織內協商以解決分歧，維護世界和平。呢個組織出現，係建基當時美國總統威爾遜嘅「十四項和平原則」，之但係，呢啲和平原則原則性強，但實際落實起嚟就出現咗好多問題，呢啲亦國聯天生嘅缺憾。例如，本來國聯嘅出現係就咗解決分歧，維持世界和平，但呢種「新秩序」係為英法等大國維持自身利益而服務，殖民主義仍然盛行。另外，國聯係無屬於自己軍事力量，需要依賴大國會員援助。結果响上世紀三十年代德國日本不斷以軍事手段侵略其他國家，國聯都束手無策，名副其實無牙老虎一隻，响第二次世界大戰當中更起唔到任何作用。

所以以前响中學讀世界歷史個陣，老師就話過聯合國好多規定同建立嘅新世界秩序，都係從國聯嘅失敗經驗中得嚟。