呢排阿史手痕買返隻《三國志8》嚟玩，呢隻差唔多廿年前嘅遊戲到阿史呢個年紀嘅人始終係回味無窮。講返轉頭，最多人用嘅君主之一曹操各樣能力都高，唯獨武力唔過80。

咁响歷史當中，曹操到底打唔打得呢？阿史見到有人從一件事分析呢個問題。响南朝宋代時期，史學家裴松之就為《三國志》作注釋，即係增潤陳壽《三國志》嘅內容，佢响《三國志‧魏書。武帝紀》當中，就引用咗晉人孫盛所著嘅《異同雜語》部分關於曹操嘅內容，呢件事就係曹操少時曾經闖入中常侍張讓嘅卧室，之後被張讓發覺咗，要知道張讓呢位宦官係宮中紅人，俾佢捉到曹操都唔方好過得去邊，於是曹操就「乃舞手戟於庭，踰垣而出」，手持手戟係舞嚟舞去，仲全身而退，爬牆走人。响呢件事上孫盛俾曹操評語就係「才武絕人，莫之能害」。

如果單從呢件事睇，其實曹操都算打得之人，至少無受傷又成就逃脫。

原圖嚟自網絡