首個無宗教華人永久性墳場 香港仔華人永遠墳場

尋日就同史友們講咗香港墳場嘅一啲故事，呢個墳場早期係唔畀華人安葬，直到1913年先至有華人嘅墓碑出現，類近嘅墳場又係有宗教信仰好似有印度教、拜火教、天主教、回教等等，先至可以安葬，咁無宗教信仰嘅華人想落土為安又點算呢？

其實早年嘅香港，華人落土為安好多時都係喺山邊或者自行搵風水寶地，但呢個慣例嚟到近代就開始有變化。喺20世紀初期，香港社會嘅上流華人就開始幫華人爭取一個可以畀華人下葬嘅地方。而港府後來就喺1913年6月16日喺香港仔撥出第一塊土地，畀佢哋自資興建墳場。墳場歷時接近兩年建成，呢個就係1915年10月17日啟用嘅香港仔華人永遠墳場。

香港仔華人永遠墳場位於香港仔同田灣之間，整體面積有成98,542平方米，亦都係因為呢個墳場出現，先至有華人永遠墳場管理委員會，繼而發展出荃灣、柴灣、將軍澳等幾個華人可以落土為安嘅墳場。