講到韓戰,史友們都會知道雙方圍繞住「三八線」互相進攻、膠著,而喺呢次咁大規模嘅戰爭入面,就有一場好出名嘅戰役——三角高地戰役,又叫做上甘嶺戰役。

三角高地戰役其實已經係韓戰後期嘅一場戰役,本身蘇聯就想叫雙方都停火,中國同美國亦都同意停戰談判,但結果就變成邊打邊和談,喺上甘嶺、金城一帶構築塹壕展開拉鋸戰。呢場戰役發生喺1952年夏天金化郡五聖山一帶,當時美軍就想奪取五聖山南麓三角峰、上甘嶺,希望通過呢個位置威脅到五聖山。而呢座山當時就已經被中國人民志願軍第15軍精銳部隊106團占領,喺接近一個月嘅時間,美軍同埋韓國軍隊雖然係擁有明顯火炮優勢,但係就不斷傷亡,即使出動埋空中部隊,喺42日停戰之後都只係攻佔到狙擊嶺南峰,上甘嶺仍然係由中國軍隊掌控。

咁問題嚟喇,既然雙方火力差咁遠,點解美軍同韓軍會攻唔入呢?原來呢場戰爭入面,有唔少勇敢、不惜犧牲自己嘅中國軍人,就好似黃繼光、孫佔元、胡修道等等,佢哋面對住美軍同韓軍,不惜拉響手榴彈、手雷、爆破筒衝去同對方同歸於盡,呢段歷史亦都被拍成愛國電影《上甘嶺》。

唔講唔知,呢場戰役亦都被估計係單一戰鬥入面雙方士兵使用手榴彈最多嘅一場戰役,數量破萬,認真誇張!

原圖嚟自網絡