黃鶴樓國慶中秋 35年來首次開放夜遊

今年10月1日係好難得嘅雙節同慶，而為咗慶祝呢個咁特別嘅日子，國家5A級景區、武漢地標黃鶴樓亦都有啲新安排。

喺今年嘅雙節假期入面，黃鶴樓就會實施自1985年重建落成以來第一次嘅夜間遊覽，現場就會實施大型嘅實景光影秀《夜上黃鶴樓》，希望可以等遊客體驗到黃鶴樓文化、再由一個全新嘅角度體驗「大江、大湖、大武漢」。雖然話係新增嘅科技環節，但當中內容就會加入過千年嘅黃鶴樓歷史文化，聽落都幾得意。

呢座始建於三國時代東吳黃武二年嘅建築物，距離今日都已經有成1790年歷史，但要注意嘅係，呢座建築係經歷過好多次破壞同埋重建，單係明清年間就已經有被毀7次，重修、維修達到十次，而喺上世紀50年代就是建長江大橋武昌引橋果陣需要遷移，喺現址重建黃鶴樓。