今日係好難得嘅日子,既係月滿團圓嘅中秋佳節,同時亦都係中華人民共和國建國71周年嘅日子,真係冇乜幾可同時慶祝兩個節日。而喺71年前嘅今日,喺北京嘅天安門廣場亦都有一件盛事發生,就係開國大典喇!

自從抗日戰爭勝利之後,中國就先後經歷內戰同埋面對住冷戰嘅局面,直到1949年嘅下半年和平先至開始到臨。於是,喺當年嘅9月,中國共產黨、各民主黨派、人民團體與社會各界人士就先召開咗一次中國人民政治協商會議第一屆全體會議,決定按照《中國人民政治協商會議共同綱領》成立一個新中國,並且名命為中華人民共和國,喺1949年10月1日舉行建國儀式。

1949年10月1日下午3點,儀式喺天安門舉行,由毛澤東、朱德、劉少奇、周恩來、宋慶齡等人主持,由毛澤東宣佈「同胞們,中華人民共和國中央人民政府今天成立了!」,中華人民共和國國歌《義勇軍進行曲》、五星紅旗亦都隨時奏起升起,廣場上一片歡呼聲。

提起「開國大典」呢個四個字,相信有史友可以已經睇過1953年創作嘅一幅《開國大典》油畫、1989年拍攝嘅一部《開國大典》、又或者直頭睇過黑白紀錄片,唔知大家又會唔會依稀感受到當時果份激情呢?

原圖嚟自網絡