最詭異嘅燈籠太陽面燈籠

今日係中秋節，如果無落雨相信史友們都會落街睇下月光玩下燈籠。

其實阿史以前都介紹過，以前細個玩個一款燈籠，個樣古古怪怪，而且極容易燒著，呢款就係太陽面燈籠。太陽面燈籠係一款比較特別嘅燈籠，係由底拉一個圓形上，印嘅就係一個太陽面。而個太陽面笑容好古怪，非常詭異，阿史細個個陣真係嚇親。

不過呢款燈籠响香港已經無得賣，據講印呢款燈籠嘅廠已經掉咗個版。阿史舊年試過响新加坡搵過，但都搵唔到。