梁思成林徽因手稿展

近排喺深圳當代藝術與城市規劃館入面，就有一個好令人期待嘅展覽開幕，呢個展覽就係關於梁思成同埋林徽因嘅手稿展覽，當中就展出咗唔少由上海博物館收藏嘅梁思成、林徽因手稿以及其他珍貴文物、同埋一啲關於佢嘅生平嘅故事。

熱愛古建築嘅史友們，相信唔使阿史介紹應該都會聽過梁思成、林徽因呢對中國建築界傳奇夫婦，無論係民國時期定係抗日戰爭期間定還是戰後，佢哋都致力保護同埋修復中國嘅古建築，可以話係中國古建學築嘅宗師。佢哋一生走訪超過十五個省份一百九十幾個縣，一共就為二千七百幾座古建學做過繪圖同埋測量，亦都撰編過唔少相關書籍。

現代嘅建築學界都已經用到電腦繪圖，梁思成林徽因身處嘅時代就冇呢回事，但細心睇下啲手稿，圖入面嘅五台山佛光寺同埋北京西山碧雲寺，真係完全唔會輸比電腦繪圖，真係相當珍貴。如果唔係因為疫情關係，阿史都想親眼去睇下！