「特庫姆塞詛咒」美國總統任內必死？

最近美國總統特朗普證實染上新冠肺炎，全球震驚，因為侵侵一直被指抗疫不力，成日話美國控制到疫情，結果自己中埋。特朗普染上新冠肺炎，响網上有關「特庫姆塞詛咒」又引起熱議。嘩！乜嘢嚟架？

「特庫姆塞詛咒」其實係美國本土一個傳說，主要係針對美國總統。特庫姆塞係十九世紀一位印第安人肖尼族首領，佢當年聯合英軍同美軍對抗，但就於1813年响一場戰役中被殺。佢細佬鄧斯克瓦塔瓦就預言每隔20年，必有一位美國總統死响自己任期之內，呢個就係「特庫姆塞詛咒」。

結果係點呢？就係响1840年至1980年，真係有唔少美國總統响任期內死咗，好似1840年當選總統嘅哈里森（佢仲打敗過特庫姆塞）就响1841年因重感冒响任期內病逝；林肯响1865年遇刺身亡；加菲爾德响1881年遇刺身亡；麥金萊响1901年遇刺身亡；哈定响1923年病逝；羅斯福响1945年病逝；甘迺迪响1963年遇刺，全部都係响任期內死咗，所以「特庫姆塞詛咒」响美國係一個好出名嘅傳說。不過，呢個「詛咒」就俾一個人打破咗，佢就係列根，佢响任內雖然曾遇刺受傷，但就大難不死，响八年任期內都平安無事。