西貢白腊灣發現疑似中國火箭碎片

尋日有睇新聞嘅史友可能都會留意到一單消息，就係喺西貢白腊灣就發現到一塊疑似係中國長征火箭嘅整流罩碎片沖咗上沙灘，仲引嚟唔少市民前來「打卡」。

得知呢個消息之後，相關部門都好快手去到現場圍起碎片再等專家前嚟鑑定，就咁睇到其實呢塊碎片面積都好大，上面仲清楚見到藍色嘅中國載人航天標誌幾組文字，包括「航向」、以及「8Y325A-5B S02-01」編號，另外仲有藍色英文縮寫詞「CMS」，即係代表住中國載人航天計畫（China Manned Space）。

相信唔少史友都會有個問題，就係到底邊度嚟嘅中國火箭碎片會漂到嚟香港。根據目前資料顯示，海南文昌其實就有一個發射中心，喺今年五月到七月之間就曾經發射過兩次火箭，而呢次發現嘅碎片就好有可能係五月五日發射長征五號B運載火箭。呢枝火箭全長約五十三點七米、當日喺海南島成功將新一代載人飛船試驗船送入預定軌道就喺五月十二日墜入大西洋海域，係近三十年來重返地球的最大火箭，而整流罩就即係長征火箭嘅頂部，用嚟保護火箭入面嘅重要部件，真係長知識啊！