讀書果陣,書法家王羲之所作嘅《蘭亭序》基本上都係必讀嘅內容,呢份「千古第一行書」堪稱係晉代書法成就嘅精華。王羲之喺寫呢篇序嘅時候,其實係帶醉咁描寫聚會盛況,但突然又筆鋒突變宣揚「及時行樂」,成篇序都做到語言流暢,結合駢句、駢散,靈活自如。《蘭亭集序》一共有324字,只要係重複嘅字寫法上都有啲唔同,當中21個「之」字就係代表。而當日王羲之所寫嘅都只係草稿,過幾日酒醒之後佢又重新寫過一份,呢份就真跡喇!

咁問題嚟喇,今時今日喺北京故宮博物院、台北故宮博物院、又或者東京國立博物館都可以睇到《蘭亭序》嘅摹本,咁真跡又去咗邊呢?相傳喺王羲之死後,佢將呢份《蘭亭序》傳到第七代王法極手上,轉輾之下又傳到去辯才和尚手上。得知呢個消息,唐太宗李世民就派人去軟硬兼施咁拎到《蘭亭序》,隨即亦都叫歐陽詢、褚遂良、馮承素等人分別臨摹。

而喺佢當時仲下令話,如果自己過身,《蘭亭序》就要安放喺佢枕邊,於是《蘭亭序》就有可能喺昭陵入面。之但係唐代末年軍閥戰亂,昭陵被洗劫一空,《蘭亭序》真跡去咗邊;亦有講法話《蘭亭序》喺乾陵入面,但呢個仍然係一個謎題!

原圖嚟自網絡