要知道香港開埠嘅初期，當時英國全權代表砵甸乍就喺1842年10月27日發出咗一張告示，表示「香港乃不抽稅之埠，准各國貿易，並尊重華人習慣」，冇幾耐仲通過《英皇制誥》自行宣佈埋所有土地都由英國皇室所有。咁既然係一個唔抽稅嘅貿易港，咁政府嘅收入來源又係咩呢？

咁答案當然就係依靠牌照收入同埋賣地啦！由於當時香港係轉口港嘅關係，好早期就已經有牌照稅收，甚至仲制訂過法律收取鴉片嘅稅項，咁賣地又係幾時開始呢？

原來早喺1841年6月14日，香港就進行過第一次賣地，當年係拍賣東角同埋鵝頭山嘅土地，並且由怡和洋行投得，喺東角就興建碼頭同貨倉，而鵝頭山就係起大班屋與二班屋，怡和洋行亦都順勢將人個總部搬嚟香港，隨後嘅幾十年就發展鴉片及茶葉貿易，佢哋嘅大班唔少仲成為立法局議員，銅鑼灣有唔少街道都同佢哋有關，下次再同大家逐一介紹下！

原圖嚟自網絡