每年十月香港本來都會有德國啤酒節,不過今年因為疫情所以就無咗,阿史呢啲酒鬼唯有買支青島自己浪漫一番。

「青島啤酒,暢銷全球」,呢句廣告詞相信年紀大啲嘅史友都會聽過,青島啤其實真係好出名。不過咁,啤酒明明係外國嘢,點解青島會出啤酒呢?其實係同列強侵華歷史有關。响十九世紀末,德國响遠東地區霸佔殖民地,响1898年就中响國設立租借地,包含膠東半島膠州灣周邊地區,當中行政中心就位於青島。响1903年,一批來自德國嘅商人就合資開咗間啤酒廠,仲以青島附近嘅嶗山泉水釀製啤酒,就係咁,以德國技術中國材料製做嘅啤酒就係咁樣誕生喇!後嚟日本人响一戰期間佔領咗山東,啤酒廠就落入日本手中,青島啤酒呢個產品先真正出現。响抗戰勝利後,國民政府接收咗青島啤酒廠,响新中國成立之後更成為國營青島啤酒廠。响七十年代,青島啤酒更打入美國市場,成為世界知名嘅啤酒。

原圖嚟自網絡