香港最後二戰老兵 吳世明因病離世

隨住一個又一個二戰華籍老兵逝世，繼蔡彼得先生喺八月初安祥去世之後，香港最後一位經歷過二戰嘅華籍老兵吳世明亦都喺10月4日因病離世，享年98歲。

吳世明先生喺1922年出生喺沙埔村，屬於吳德高祖一房，係衙前圍吳氏廿六世傳人。佢幼年喺吳氏宗祠、仕高私塾讀書，仲曾經去過龍津義學就讀。去到1941年，佢就同蔡彼得先生一樣，都係喺9月底入伍，亦都係喺香港淪陷之前未完成學兵訓練就前往戰場。而喺香港淪陷咗之後，佢就解甲歸田，真係返鄉下務農。

直到三年零八個月結束，佢先至重新投考英軍，佢嘅服役年期由1941年至1947年，當時軍人嘅編號係5251。喺佢重新投考艾軍冇幾耐之後，佢就轉職做警察，一直去到退休為止，晚年仲出任埋吳氏族長。