最近因為深圳經濟特區成立四十周年,經濟特區成為網上討論熱點。講到經濟特區,唔少人都會諗起深圳,其實响八十年代,廣東省唔止得一個經濟特區,好似汕頭就係另一個。

位於粵東嘅汕頭,係中國改革開放初期最早被劃定嘅四大經濟特區之一,其餘三個包括深圳、珠海同廈門。講到汕頭當時成為經濟特區,其實係有佢特別因素。响改革開放初期,點樣吸引海外資金同技術成為一大考慮。深圳就主要作為吸引港資同技術,汕頭就係為咗吸引僑資。潮汕一帶有唔少响海外做生意嘅潮商,有佢哋嘅資金同技術自然可以推動國家經濟發展嘅進程。

之但係,潮汕地區基礎設施建設比較差,加上對非潮汕籍人士的排他性較強,而且移居他地嘅潮汕籍人士,都係响家鄉投資基建學校等公共事業(最出名就係李嘉誠)多過投資,所以汕頭經濟發展响九十年代之後就遠遠落後於深圳甚至珠海。

原圖嚟自網絡