早排阿史就分別同史友們介紹過「兩彈一星」,曾經參與過呢個項目嘅大漠將軍林俊德、中國氫氣彈之父于敏等等。無論係對「兩彈一星」,定係呢幾位傳奇人物嚟講,今日都係好重要嘅一日,事關當年今日就係中國成功試爆第一枚原子彈嘅日子。喺中國軍方嘅內部,原子彈係叫596工程,當中596係代表1959年蘇聯停止對中國原子彈研製提供幫助,而中國內部對呢個計劃亦都有個代號係叫做「邱小姐」。

喺1964年10月16日下午3點,中國喺羅布泊地區就成功引爆第一枚原子彈,係繼美國、蘇聯、英國同埋法國之後,第五個擁有核武嘅國家。由第一次引爆裂變彈到成功聚變核彈相距32個月,當時中國係世上發展核武器最快嘅國家。雖然係咁,但中國當時亦都表明,無論喺任何情況之下,中國都唔係對任何國家首先使用核武器。

原圖嚟自網絡