東北軍軍備全國第一？

對於東北軍嘅印象，唔少人應該會記得佢哋奉命不抵抗關東軍入侵。其實，二十、三十年代嘅關東軍，係南京中央軍以外軍備最精良、兼編制完整嘅軍事集團。

東北軍主要係指由張作霖建立嘅奉軍軍隊，最初張作霖以係吸納咗東北三省各地方軍隊，建立奉軍系統。响第一次直奉戰爭失敗後，張作霖就對奉軍軍隊進行改革，由一支半民兵半土匪嘅軍隊訓練成現代化軍隊。除咗陸軍，東北軍更有空軍同海軍入列，甚具規模。而且，奉系响二十年代積極將軍事設備現代化，例如將奉天軍械廠改為東三省兵工廠，引入外國先進技術，响二十年代末已經成為全國規模最大嘅兵工廠。所以當時東北軍軍備同規模响二十年代中後期係全國數一數二。

不過，全國排頭幾名對外又未必夠打。1929年發生嘅中東路事變就暴露咗中國軍隊嘅弱，對住蘇聯軍隊根本無得打，所以張學良先會唔主張對日軍入侵作出抵抗。