喺戰爭期間受害嘅往往都係平民百姓,流離失所、饑寒交迫都係經常發生,但嚴重起嚟分分鐘連性命都保唔住。提到軍隊屠殺平民嘅事件,除咗喺抗日戰爭入面發生,原來韓戰入面都發生過,阿史今次就介紹下「老斤里事件」!

「老斤里事件」,又叫做「老根里屠杀」,喺1950年7月,當時就有一班流離失所嘅難民經過一條位於忠清北道永同郡老斤里嘅鐵路橋,旁邊正係美軍嘅陣地。當時美軍見到呢班難民,並冇對佢哋提供幫助,美軍第7騎兵團2营嘅軍人反而係對呢班平民開槍,冇幾耐仲派出飛機加入掃射,呢班難民死傷慘重。

到底呢班難民有幾多人呢?呢個係多年嚟都有爭議嘅問題,據當時嘅報道就指死亡難民嘅人數有400-500人,而嚟到近年韓國政府報告就話有163人死亡、55人受傷,但原來仲有唔少受害人都係冇名架!

回歸最基本嘅問題,就係美軍點解要向呢班難民開槍呢?美國國防部喺2001年就曾經回應過呢件事,當時就描述呢件事係「戰爭中無可避免嘅慘劇」,所以就唔會道歉亦都唔會賠償,而據美國駐韓大使館嘅报告,原來向平民開槍係成個美軍戰區嘅指令。

原圖嚟自網絡