提起近排國內上映嘅電影，除咗有早前阿史介紹嘅以淞滬會戰為背景，講述中國守軍奮戰四日四夜抵抗日軍進犯上海嘅《八佰》之外，抗美援朝電影《金剛川》亦都係呢幾日嘅熱話。

紀念抗美援朝70周年大會就喺上個星期五舉行，而《金剛川》亦都係同日上映，第一日上映就已經公布有18.6萬排片場次、票房仲已經超過一億人民幣，呢個勢頭真係相當誇張！可能史友們會比較關心一個問題，就係呢套《金剛川》係講咩故事架？

《金剛川》嘅係抗美援朝1953年最後階段嘅一場戰役，志願軍喺金城發起喺指定時間之內到達金城，喺資源、情報、武裝懸殊嘅情況之下，以血肉之軀抵擋美軍同埋聯合國軍嘅狂轟濫炸，為嘅就係向前線輸送戰力同埋修補道路，場面相當慘烈！電影結局係點？阿史就唔劇透住，雖然電影評價兩極，但就有唔少網民講起同長輩入場睇，都見到老人家睇到流晒眼淚。

原圖嚟自網絡