今年受疫情嘅影響,唔少節日都冇晒往年嘅熱鬧氣氛,相信「萬聖節」都會係一樣。而今日正正就係10月31日,係萬聖節嘅日子,阿史就同大家應下節,介紹下呢個節日嘅起源啦!

10月31日係Hallows' Even,亦即係Hallows' Evening,解做諸聖節嘅前夜,每年嘅呢一日,西方國家嘅小朋友都會着住各自設計嘅特色服裝,去到每家每戶果度收集糖果,而唔講唔知,呢個節日嘅起源其實冇咁歡樂,反而同鬼怪有關!

喺西方傳統入面,呢個節日就同中國嘅中元節又或者日本嘅百鬼夜行好似,傳統上呢一日被認為係鬼怪世界同人間最接近一日,不列顛凱爾特人認為10月係夏天最後一日,亦都係冬天嘅開始,所以佢哋就認為呢一日各種惡鬼都會出沒,死去嘅人靈魂亦都會重返到人間拜訪親友。於是,以前嘅凱爾特人出街嘅時候都會戴上面具希望可以嚇走鬼魂;而愛爾蘭人亦都相信呢回事,仲會為亡者布施糖果,自此以後奇裝異服遊行同埋派糖就成為萬聖節傳統活動。

隨住愛爾蘭、蘇格蘭術民19世紀去到各個英屬殖民地,令到美國、加拿大、紐西蘭等等嘅國家都開始慶祝呢個節日,仲喺全球流行起嚟!

原圖嚟自網絡