今屆美國總統大選，由共和黨嘅特朗普對民主黨嘅拜登，到底邊個贏到美國總統寶座呢？當史友們睇美國總統選舉個陣，有無留意到成日都話候選人响邊個邊個州贏得幾多幾多選舉人票，咁到底係乜嘢一回事呢？

一直以來，美國都被譽為西方民主制度嘅代表。不過，美國總統選舉就唔係全國人民直選出嚟，而係通過間接選舉產生，即係選舉人團制度。根據《美國憲法》，美國各州公民先選出嗰個州嘅選舉人，再由選舉人代表嗰個州投票，基本上係按傳統會投票俾佢代表嘅總統同副總統候選人，呢個就係所謂嘅「選舉人票」制度喇！

咁點解美國行呢種選舉制度呢？就係因為美國立國之初，鑑於地方大同通訊不便，搞全民投票基本上好難實行，所以就選舉人團制度作為選總統嘅方法喇！亦因為各州選舉人票數目唔同以及有啲州採取「勝者全得制」，所以有時就出現選票總數多但落敗嘅情況。

原圖嚟自網絡