香港土地不足、地少人多已經係好多年嚟嘅問題,近年政府就有提出過發展地下空間,亦都積極利用岩洞希望可以騰出更加多嘅土地。呢個方法聽落都幾新鮮,但原來並唔係咩新方法嚟架,喺興建太古站果陣原來已經用過架!

太古站應該大家搭車都有經過,但行到內部唔知史友們又有冇發現有咩特別呢?其實就係好似入咗一個巨大洞穴咁!呢個車站正正係位於全個東南亞最大嘅一個人工石洞入面,而呢個計劃當年係由法國濬海工程同埋干尼有限公司負責。喺1970年代嘅港島線定線計劃入面,其實當時係冇太古站,反而係有一個叫做芬尼站,但後來就因為鰂魚涌嘅發展,當時就計劃喺康山地底加設康山站,即係依家嘅太古站。

太古站喺1985年啟用,車站所位處嘅呢個石洞,係堅固嘅花崗岩地底,隔離原本就係一座大型嘅太古船塢,後來就變成咗大型嘅住宅屋苑太古城,亦都係因為咁,所以呢個車證先至叫做太古站。

提起呢個車站就真係有個特點,車證內部直接就以拱形結構支撐住,站內同其他車站唔同,基本上好廣闊同埋冇石柱,係全港唯一一個無柱嘅車站。唔講可能未必會留意到,呢個站月台設有兩排柱陣,通往出入口嘅行人隧道仲係專門鑽挖出嚟,都幾大工程下。

原圖嚟自網絡