唐伯虎點秋香 秋香係金陵名妓？

關於唐伯虎點秋香嘅故事，相信唔少史友們都係喺周星馳嘅電影入面睇返嚟，「十字追魂棍」、「面目全非腳」、「還原靚靚拳」等等，可能阿史一講大家啲畫面就已經出晒嚟，但歷史上到底又有冇「唐伯虎點秋香」呢件事發生呢？

《唐伯虎點秋香》呢套電影就係改編自一個民間傳說「三笑姻緣」，係講述江南四大才子唐伯虎喺在西廂寺偶遇華太師夫人侍女秋香，不惜賣身入華府教導華太師二子，從而對秋香展開追求嘅故事。

歷史上唐伯虎同秋香都真有其人，秋香本名林奴兒、字金蘭，但佢就唔係華太師屋企嘅侍女，而係精通琴棋書畫嘅金陵名妓，當時係勁到被稱為「吳中女子」。秋香早年因為家貧而墜入青樓，後來就從良嫁人，據考證，秋香比唐伯虎大20歲，而唐伯虎又大過華太師27歲，所以「三笑姻緣」嘅故事都真係無緣發生，可能只係後人將才子佳人嘅故事移花接木去佢哋身上。