1824年美國總統大選 史上唯一一次由眾議院投票決定人選

今日係美國總統大選嘅日子，相信唔少史友即使係返緊工都好留意呢單消息，繼早兩日同史友們介紹咗比較具爭議性嘅兩場美國總統大選，分別係1876年美國總統大選同埋2000年美國總統大選。唔講真係未必知，原來美國歷史上竟然仲有一場選舉唔係靠選出嚟，而係由眾議院投票決定。

阿史所講嘅之唔係1824年美國總統大選，呢場選舉嘅選情相當激烈，一共有四位嚟自同一民主共和黨嘅候選人爭奪總統席位，佢哋分別係安德魯·傑克遜、約翰·昆西·亞當斯、威廉·克勞福德同埋亨利·克雷。

有咁多位候選人同時參選，大家都可以預見到一個結果出現，就係票數會分散，最多票數嘅人都未必可以當選到總統。結果，去到選票點算果陣，安德魯·傑克遜就得到最多選民同埋選舉人票，但總票數就比當選需要嘅票數少咗32張。喺咁樣嘅情況之下，眾議院就根據憲法投票決定，喺三個得票最多嘅人入面揀一個人，最後亨利·克雷就因為係眾議院議長而率先出局，最後係由約翰·昆西·亞當斯當選美國總統，本身得票最高嘅傑克遜就落敗，呢次亦都成為美國史上唯一一次由眾議院投票決定總統人選。