近排美國總統大選嘅選情相當激烈，目前為止拜登喺選情上佔優，好大機會仲會當選到美國總統。之但係，就有學者估計，無論邊一方勝出呢場選舉，美國社會都會迎來一片混亂，仲會長時間撕裂添。此情此景，就令阿史諗起過往嘅一場美國總統選舉。

阿史今次想介紹嘅正係1860年林肯同埋布雷金利奇之間嘅呢場選舉，其實喺選舉前嘅時代背景都知道，當時美國社會上分歧相當嚴重，對於黑奴制度嘅去留南北有住唔同嘅睇法，呢啲睇法亦都加諸到兩位候選人身上。

當時代表共和黨嘅林肯反對新納入聯邦嘅西部疆域實行黑奴制，呢個舉到得失唔少南方州份，當時佢嘅對手既有民主黨布雷金利奇，同時仲有一位由南方州份推舉嘅約翰·貝爾，兩個人都代表南方嘅利益，結果最後林肯喺北方各州大勝，以獲得40%選民票當選。佢當選果刻即時就令到南加利福尼亞州宣佈脫離聯邦，去到宣誓就職嘅時候，陸續仲有六個州跟隊宣佈脫離聯邦，美國南北撕裂相當嚴重。

抵制廢除黑奴制度嘅南方州份認為林肯率領嘅共和黨上台必定危及奴隸制，因大選結束後南方掀起脫離聯邦浪潮，並且組成南方政府—美利堅聯盟國，南北戰爭嘅種子亦都係咁樣種落。

原圖嚟自網絡