陳塘風月同米鋪有關？

尋日就同史友們講到「埋街食井水」同「妓女從良」之間嘅關係，呢個故事都係發生喺早年相當繁華嘅西關，而提到西關呢個地方，「陳塘風月」就當然要同大家介紹下啦！

「陳塘」就係喺西開沙面過西橋一帶，亦即係清平街舊三角市天后廟前面，咁呢個地方又係點樣形成「陳塘風月」呢？喺清朝光緒年間，陳塘、沙基都係以做穀米生意為主，亦都係當時最容易搵到大錢嘅一門生意。而廣州仲食正地利呢個因素，各鄉穀米都會通過船運送到廣州，所以各地商人都會齊集喺呢度。

由於有咁多有錢人嘅關係，當時嘅花艇就意識到係一門財路，圍繞住陳塘、沙基嘅谷埠既建立咗大寨，亦都有唔少細寨，密密集集咁形成咗早年嘅「陳塘風月」。後來各大寨陸續棄舟登岸，喺東堤沿江設立妓寨，去到民國由黃沙到泮塘一帶都仍然係廣州最繁華嘅地方。