美國總統選舉嘅結果似乎已經塵埃落定，雖然選票仲未點完，但淩晨綜合咁多間美媒報導就話係由拜登拎到273張選舉人團票而當選第46任美國總統。今年嘅美國總統選舉有唔少爭議，亦都有唔少傳言，除咗有阿史之前介紹過嘅「特庫姆塞詛咒」，原來庚子年本身都好大件事！

每60年就有一個庚子年，呢一年中國歷史上都有好多變化，但原來美國都係一樣。第一位庚子年總統就係1840年嘅哈裡遜總統，佢被稱為「提帕卡農英雄」，佢以68歲當選，喺就職典禮當日雨中演講咗一個幾鐘，結果任職一個月之後就因為肺炎離世；而第二位就係1900年當蘋嘅麥金萊總統，呢次佢係成功連任總統，但一年之後佢就喺紐約州水牛城泛美博覽會被槍擊，一個月之後就傷重不治。至於1960年當選嘅就係甘迺迪，上任3年之後佢就坐開蓬車經過德州達拉斯，結果又係畀槍手連開三槍打中後腦不治死亡，成為第三位庚子年選出、任內死於非命嘅美國總統。

立國231年嘅美國，由1840年庚子年開始選出嘅美國總統，原來都係喺任內死於非命，真係諗起都得人驚，希望只係巧合啦！

原圖嚟自網絡