之前阿史介紹過砵典乍街以前有防空隧道,其實响港島以往都有好多防空洞同防空隧道,包括下文會介紹禮頓山防空洞。

禮頓山防空洞位置銅鑼灣同跑馬地一帶嘅禮頓山,總長達2.5公里。响日軍進攻香港之前,當時港英政府加強防務之餘,仲响市區興建多個防空洞,目的係日軍空襲等香港軍民有避難嘅地方。咁點解呢個防空隧道會咁長呢?據了解係有因為禮頓山同黃泥涌一帶係當時重要防守點,加上灣仔銅鑼灣一帶人口密集,所以呢個防空隧規模先會咁大。

戰後呢條全港最長嘅防空隧道依家又點呢?响戰後,港英政府就將防空隧道保留起嚟,但就將大部分出口堵塞咗,現存入口位於禮頓道同黃泥涌道一列唐樓後巷。不過,無有關部門許可,市民係唔可以進入防空隧道。

原圖:網絡