呢排都同史友們介紹唔少美國總統嘅歷史,講咗咁多任總統就當然要介紹下美國第一任嘅總統,甚至可能仲係全世界第一位以「總統」為稱號嘅人物,而呢位正正就係喬治·華盛頓。

華盛頓出生喺1732年2月11日威斯特摩蘭郡一個大農場,佢嘅祖先同家族係有點名望,家族成員都擔任過官職。喺佢7歲到15歲嘅童年,佢基本上都冇接受過正規教育,只係喺教堂司事果度學過下測量、數學同埋拉丁文。隨住佢父親過身家道中落,佢就只好去到亞歷山德里亞做消防隊員。

去到1753年,佢無意間就參加咗法國印第安人戰爭,喺呢場戰爭入面,佢就擔任支持大英帝國一方殖民軍軍官,希望阻止得到原住民支持嘅法國軍隊入侵,最後呢場戰爭就由1754打到1763年,·華盛頓期間亦都辭去軍職,搬到弗農山居住。

去到後來美國獨立戰爭,佢帶領住大陸軍團贏得美國獨立,但佢當時並冇如大家所料去領導軍事政權,反而係返到弗農山居住,過平民生活。由於佢對成場美國獨立戰爭有住好重要嘅作用,嚟到今日佢仍然被稱為美國國父。咁佢又係點樣成為美國總統呢?

原來喺1787年華盛頓費城舉行制憲會議,佢作為制憲會議主席以佢嘅威望維持會議秩序,亦都令其他州嘅議會支持美國憲法。去到1789年,佢經過選舉團投票無異議投票,即係獲得全部選舉人票,當選總統第一任美國總統。他係歷史上唯一一個無異議投票當選嘅總統,同樣嘅事喺1792年再次達成,認真巴閉。

原圖嚟自網絡