曾是全球最昂貴建築物——滙豐銀行總行大廈

之前就同史友們介紹過位於港島香格里拉全球最大酒店嘅壁畫《大好河山》，今次阿史都繼續同大家介紹香港之最，呢次就講下曾經係全球最昂貴嘅建築物啦，可能大家諗都冇諗過呢座建築物係位於香港架！

滙豐總行大廈一共就有四代，而今次阿史要介紹嘅正正就係位於皇后大道中同埋德輔道中之間嘅第四代總行大樓。本身好地就已經有1935年建成嘅總行大樓，當時第三代嘅大樓上已經有唔少裝飾藝術、大理石同埋馬賽克拼圖，樓高70米一共13層都真係幾震撼，咁點解又要再起第四代呢？

原來去到戰後幾十年香況嘅經濟高速發展，單單得13層嘅大樓已經唔足以畀總行進行營運，於是喺1981年7月開始，總行大樓就進行重建，經過2年幾時間喺1985年建成，並且喺1986年4月正式啟用。呢一次工程真係相當龐大，據統計足足用咗52億港元，成為全球最昂貴嘅建築物，亦都係第一幢用咗超過當時時值10億美金嘅大樓。而由於當時呢座大樓係用到咁多嘅錢去起，匯豐曾經打算將40%樓面出租，只係後嚟驚會分散業務先決定完全自用。