提起孫中山先生,好多時都會講佢响香港讀書同搞革命嘅事蹟,不過就好少講佢去過澳門,咁佢生前有無去過呢個地方呢?咁就梗係有啦!而且仲好熟路添。

孫中山响香港西醫書院畢業後,就應澳門鏡湖醫院邀請任職,成為澳門首任華人西醫師,仲响市內開設中西醫局,但後嚟因受澳葡政府刁難,孫中山先生就離開咗澳門。後嚟佢响廣東搞革命,好多時都係經澳門往來廣州同香港。

另外,佢原配夫人盧慕貞長期响澳門生活,盧慕貞亦係响澳門病逝。而佢另一位夫人陳粹芬就係向澳門呢個地方認識。所以話,孫中山先生同澳門嘅淵源,同香港一樣都係好深。

原圖:網絡