孫中山家人在澳門

【講開有段故】孫中山家人在澳門

尋日介紹咗孫中山先生同澳門嘅關係時，就講到佢好多屋企人都同澳門關係密切，咁話題開咗，今次就講多少少。

上次都提及過，孫中山先生原配夫人盧慕貞長期响澳門生活。盧慕貞同孫中山先生响1915年離婚後，就去咗澳門，投靠孫中山先生長兄孫眉。而佢响澳門生活嘅地方，就係位於文第士街1號嘅孫公館，呢個地方亦係孫眉出資建造，盧慕貞响呢個地方一住就住咗近四十年。另外，孫中山先生個女孫琬，佢曾經有一段時間响澳門生活過，好似佢响1921年同第二任丈夫為戴恩賽响澳門結婚，佢哋嘅仔女亦响澳門生活，由盧慕貞照顧，孫琬晚年亦响澳門生活。