陝西出土顏真卿書寫墓誌真跡

最近，陝西省考古研究院考古人員响西安發掘隋唐時期墓葬時，响唐代貴族墓葬當中發現咗唐代名書法家顏真卿親書嘅墓誌，計計下呢塊墓誌係現今出土顏真卿最早嘅真迹。

考古人員通過墓誌，判定墓主人分別為唐代貴族元大謙、羅婉順夫婦及其兒子元不器同侄子元自覺。而顏真卿書寫墓誌銘就係羅婉順夫婦嘅墓誌。顏真卿書寫墓誌嘅年代係天寶五年，計返當時係三十八歲，官銜為長安縣尉，所以基本上墓誌銘上真係顏真卿嘅真跡。

有趣嘅係，後人推崇顏真卿書法都係佢晚年時期嘅風格，所以呢次發現佢中年時嘅真跡變得好有研究價值。