之前介紹咗狀元實業家張謇興辦實業嘅事蹟,其實佢响民初時期唔單止經濟地位好高,政治地位都有啲斤量。

佢响晚清時期,係立憲派嘅其中一員,主張實業救國。而响民國成立之後,佢就主張共和,唔太支持革命為綱,因為佢係一個企業家,做生意,希望局勢長期穩定。而响孫中山同袁世凱對立時期,孫袁二人都曾拉攏過佢,不過佢就選擇咗幫袁世凱。因為佢同孫中山見完面之後,就俾咗「不知崖畔」作為評價,認為佢想法太天真,唔踏實。另一個重要原因,就係佢本身同袁世凱一早就識得。1913年袁世凱成為正式總統,張謇獲任命為農商總長。不過,後嚟展露咗稱帝野心,佢就對袁世凱好失望,後嚟中辭職,响佢稱帝前割蓆。

講到張謇同袁世凱,就有一件流傳住。話說袁世凱响吳長慶軍中時,佢對住狀元爺張謇就稱其為「夫子大人」。後嚟袁世凱掌握咗重兵,就改口稱佢為「夫子」。之後袁世凱做咗北洋大臣,响信函中就稱佢為「仁兄」。於是張謇就忍唔住暗諷袁世凱:「足下之官位愈高,則鄙人之稱謂愈小矣!」

原圖:網絡