尋日就同史友們講到70年代美國嘅一單政府醜聞水門事件,亦都係因為呢件事發生而令到尼克遜提早辭職下台,咁原本連副統統都未係嘅福特又係點樣成為美國史上唯一一個唔使經選舉嘅美國總統呢?

福特年幼喺密西根州長大,讀過密西根大學,後來亦都喺耶魯大學法學院畢業,之不過佢仲未喺密西根州從事律師職務就已經因為日本偷襲珍珠港而急需參軍。佢當時係加入咗美國海軍預備隊,喺曼特瑞號輕航空母艦參加咗幾場南太平洋海戰,直到1946年2月佢以少校嘅軍階退役。

戰後,佢主動參加共和黨政治活動,向急流村眾議員挑戰,佢當時表示自己已經係一個國際主義者,最後佢係成功當選,由1949年去到1973年,做足24年眾議員。喺呢段期間,佢入過軍費委員會、亦都去過眾議院撥款委員會工作,被稱為「眾議員的眾議員」。

咁佢又係點樣成為總統呢?原來喺水門事件最高潮果陣,副總統斯皮羅·阿格紐辭職,尼克遜就只好任命福特先成為副總統,而喺1974年8月9月,當尼克遜辭職之後,福特就自動成為美國總統,係美國歷史上唯一一位無經選舉方式接任嘅美國總統。喺佢執政期間,美國面對唔少問題好似通貨膨脹,經濟蕭條,仲有越南撤軍等問題,再加上國會內民主黨占絕對多數,令到佢執政相當困難。

原圖嚟自網絡